خفافيش..الشاعر: حليم محمود أبو العيلة
خفافيش
عايشين ف الضلمة وبنداري
قافليـن علي روحـنا الشيش
أحلامنا بسيطة علىٰ أد الإيد
نحلم الحلم يروح ما يجيش
زاهدين الدنيـا وكل ما فيهـا
بِوِشْ طبيـعي بدون ورنيش
نخرج بره نِشِـم هوانـا نتـوه
نترجىٰ النـور يهدينـا مفيـش
نـرمـي الـنـرد ف دنـيـا بـراح
عمر الحظ ما جاب لنـا شيش
فاكريـن الدنيـا لونها حليـبـي
أتاري قلوبهـم عمية غشيـش
نخرج من نفسنـا واللي أذاها
دا الضلمة أعـشاش خفافيش
والـصُوص اللـحم اللي جِوَّانا
بكـرة يـطير بجنـاح بلا ريـش
كلماتي:
الشاعر: حليم محمود أبو العيلة
مصر
تعليقات
إرسال تعليق