آخر زمن//بقلم أ. حليم محمود أبو العيلة
آخر زمن
ف الـدنيا نـاس أنـدال وفالصو
دهب عيرة من غيرأصل وتمن
اوعى تأمـن على غـنـمك ديب
دا الأصـيل على حياتك يؤتمن
بـشـر تـقـول غـربـان وحدادي
ولا احـنـا عـايـشـين أخر زمن
عـويل فرش لي الدنيـا ورود
سقاني عويل ومأسي ومحن
قـدمت كل شيء حلـو جوايا
وقـلـبي مـنه اتخان وانـطعـن
خـبـي سـرك بـيـن شـفـايفـك
عن نـفسك داريه سـر وعـلـن
خلـيه ف خزنة قـلبك للممات
ميطلعش حتى ف يوم للكفن
يبقى السر سـرك وانت سـره
ومعاك ف قبرك كمان يندفن
كلماتي:
الشاعر: حليم محمود أبو العيلة
مصر
تعليقات
إرسال تعليق