وياخدني الحنين لعينيك..شعبان محمد بدر
وياخدني الحنين لعينيك
واشوفك نقص ف الاشياء
لو افرح فرحي مش كامل
ولكني باعديها
واماشي الدنيا واجاريها
ظروف ومعاها باتعامل
لكن جوايا شيء تاني
دموع ف القلوب مكتومة
وروح بتعاني مكلومة
وافكاري معانداني
دخلت في لعبة الحسابات
وكل محاولة فيها اخسر
لو اقدر يوم ع المسافات
فحلم سفينتي علي شطك
لكن شراعي مش هيقدر
لوحده أنه ليك يعبر
رياح البعد ليه كاسرة
وكل خيوطه منكسره
مع الامواج باخوض جوالات
عنيفة جدا اللكمات
وويا صمودي فيه أكتر
وقفت ف زاوية الأفكار
خيال عاجز بقا محتار
وكام حاجز وراه حاجز
جناح الحلم لا يرفرف
مغمي عيونه ف الضلمة
ومانع نسمته تهفهف
و حلمي اني ابقا معاك
ولو خطوتنا يوم ذلت
وواجهت ضلمة المتاهات
وقدر البعد يهزمنا
فقلبي باقي علي ذكراك
ومخلص ليك وما بينساك
.
لقانا حلم مش مشروع
وزي قانون ما هوش موضوع
دساتير البشر ظالمه
ما هيش زيك ولا زيي
مهيش ساذجة ولا مسالمة
طريقي إليك مليء بالشوك
وبين الشوك بقيت باختار
وف نظرهم الشعور ماهوش مباح
والغرام شيء غير متاح
تعليقات
إرسال تعليق