بالعامية..روتين يومي..شعبان محمد بدر
روتين يومي
يزورني الليل بمواله وأهواله
وجايب كل عيلته معاه
ما سابش حتى أطفاله
واحد فيهم يقوم يسال
حبيبك فين ؟
وعامل ايه ؟
وإيه أخباره وأحواله؟
وكالعادة الإجابة دموع
واحد فيهم يقوم يجري
يجيب صوره ويفتحها
اشوفها معاه واقول الآه
فيسمعها
يطير النوم من جفني مع الدخان
في كل مكان
يا ليل يا طويل
آذان الفجر ليه لسه بعيد ؟
وليه فرشتي باردة
وليه الوحدة حاباني
وكل شوية تهديني الوجع وردة
أمانة يا ليل ما تطول
وعدي أوام
هاكون ممتن ليك جدا
تسيب الروح تعيش في سلام
بقلمي
شعبان محمد بدر
تعليقات
إرسال تعليق