بيقولوا لي إفرح دا عيد // بقلم أ. شعبان محمد بدر

 بيقولوا لي إفرح دا عيد

كله فيه راضي وسعيد

بس ازاى.. عايزٌِني أفرح

وأغلى حاجة في الحياة

للأسف راحت بعيد💔

...

لأ ما تهتش من زماني

والتاريخ فاكره أكيد

من بدايه شهر ٧

جرح فيك عمال يزيد

والآهات جواك بتعلى

لو تطبطب ألف إيد

.....

كان يقولوا دا امه ماتت

ولا أبوه هو اللي مات 

كنت أواسي من سكات

بس لما هي ماتت 

حزن قرن من الزمان

جوا قلبي هي فاتت

حزن يملى ألف بحر

دمعه يجري في الف نهر

حزن قلبي عليك يا غالية 

حزن يكسر اقوى ضهر💔

....

لما زاد جواك وجعك 

كنتي صابرة من البداية

كاتمة وجعك من سكات

خايفة إنك توجعينا

حامدة شاكرة للنهاية

.....

الحنين جوايا جارف 

والدموع عايشة معايا

لو دموع العين بسيطة

بس دمع القلب أصعب

والفراق ناره🔥 في حشايا

كنتي كل الفرح إنتي

قوة في ضهري وورايا

لما يأسي كان معاند

والظلام واقف في وشي

كنتي قمرة في سمايا🌙

حاضنة نور الكون بايدك

نور بيكشف لي الحقايق

حتى لو خالفت هوايا

كنتي صح كتير في قولك

صح في كل الوصايا

.....

مهما حزني كان كتير 

مش كفاية 

مهما يجري الدمع فيا

مش هتخلص جوا قلبي 

لك حكاية

.. 

بقلمي