مجاريح… لكن بكرة تطيب الجراح...حنان حلمي
مجاريح… لكن بكرة تطيب الجراح
✿══════✿✿══════✿
مجاريح يا طبيب مجاريح
والجرح ساكن في العيون
بنحلم بلحظة جنون
مجاريح والعيب في الهوا
ولا العيب في اللي مش صريح
معرفش إيه اللي جرالي
انقلب نهاري لليالي
يمكن غنايا قلب أنين
يمكن دوايا كلمة حنين
تايهه بين الحكايات
قلبي بيصرخ من سكات
الليل يطول من غير كلام
والجرح يصرخ مين الملام
لكن قلبي رغم الجروح
لسه فيه أجمل روح
نفسي ألاقي دوايا
نفسي يكمل غنايا
وما بين صمتي وحنيني
أكتب حروفي بيقيني
ومابين دموعي وضحكي
أكيد هيتولد نوري وشمسي
وافتح لقلبي ألف باب
وامشي بين دروب الأحباب
مجاريح يا طبيب مجاريح
لكن بكرة تطيب الجراح
وتهل من تاني الأفراح
وتضحك الدنيا تاني لينا
✿══════✿✿══════✿
بقلمي ✦ حنان حلمي ✦
✿══════✿✿══════✿
`
تعليقات
إرسال تعليق