🌹🌹
عاشق الزجل.....
الزجل يا قامةْ الحلوة البهية/ي
يا عطر المملكة.... و العبقرية
بأرض الرب نبع الحرف عنا
نسور و منبر و كلمة غنية
الزجل بالوصف متل النبع، كوثر
صورة مدللة و رسمة قوية
الزجل بالفعل و المعنىٰ مؤزر
بِروح العاطفة..... و الشاعرية
الزجل أرزة، و من عودا الأخضر
بِ فخر منرسم اللوحة الجَليّة
بعبق كاسات و الشاعر بيسكر
تا يرسم بالنبض أجمل صبية
بيوم القهر لولا القلم زمجر
بيفتت صخرة الصم القوية
بدمعة قهر لو شاعر تمرمر
كتب بالروح آهاتو الشجية
الزجل بركان لو ليلة تفَجر
بعتم الليل تسمعلوا البرية
الزجل غيمات فيها الغيث أكتر
ع أرض الرب لوحة سرمدية
الزجل فستان أبيض، ورد أحمر
الزجل سكبات روح المخملية
تا ازرع حرف بالتاريخ.. يكبر
عشقت الزجل و بنبضي رويتو
حسبتو ورد،،،،، قلبي المزهرية
كل التقدير والاحترام لعشاق الحرف...
🌹🌹،، بقلمي،، عمَّار يزبك....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.