(صعبه بدونك)
بقلمي الشاعر/ محمد غبن
شاعر عاميه بلغة محكيه
وسفيرا للسلام الدولي
12/1/2022
مليش غيرك وحياتي صعبه بدونك
قوليلي طيب اعمل ايه عشان تكذبي ظنونك
وتعرفي إنك في القلب ودايب ف عيونك
وإن الأيام بتمر عليا
في بعادك سنين
إوعاك تكوني مش مصدقة ولا عايزاني أحلفلك يمين
اقولك ايه بس إنتي جوا القلب وكمان ساكنه ف العين
بس وحياة حبنا بلاش تسمعي لحد يفرق مابينا
حبنا واضح للعيان مباركاه السما وليه معني
يعني حب طاهر مشروع
في عز النور واضح
وشيفاه كل الجموع
بس رجائي ليك خليه
جوا ثناياك و في عقلك مسموع
ساعتها مش هتصدقي بغيض عايز نكون شتات
يقضي علي حبنا
ويعرضه للممات
ماانت عارفاني بطبعي بلزم السكات
متكلمتش إلا الوقتي
لماحسيت هتضيعي مني
عقلي قالي إزاي ساكت
هتضيع منك الروح والنني
وعشان كدا ارجوك
حافظي علي قلبي
ياحته مني
دا إنت بقيت اقرب ماليا وليك مكانه زي مكانة امي
اظن كدا عرفت إنت ايه بالنسبه ليا حبيبة قلبي واللي هتشيل فرحي وهمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.