🌹🌹🌹 عيد حب مبارك،،،
أنا الحب،،،،
💕💕💕💕💕💕
قال،،
يا عيد الحب بعز البرد جايي
تمَلي قلوبنا منك حرارة/ا
وتكشف سرار كانت مخباية/ي
كتمها الصدر جواتو بمرارة
قلي،،،
قلي الورد لونتوا بدمايي
وعتم القلوب ضويتو بإشارة
العشق مو سر للإنسان غاية
حبوا و عشقوا بس بجدارة
وخلوا بوردة الحَمرا البداية
وبِسر الحب بوحوا للعذارىٰ
أنا الحب الما بتعيشوا بلايي
أنا أصل الحياة و إختصارا
لو ما يحبكن رب الهِداية
الكوَّن هالدني وحَطا بمدارا
ما أرسل يسوع بنبل غاية
بدمو يفتدي شعب النصارة
ولو ما الأم تحب ولادها كفاية
و فنا هالعمر من أجل شعارا
ع شرع الغاب بْلا وعي ودِراية
بيربىٰ وحوش و قلوبن حجارة
ولو ما الروح ترخصلي و فدايي
لحب الوطن ما بتبنوا حضارة
صلوا بمحرابي ومطلبكن رضايي
وخَلوا شموع. عالمدبح مُنَارة
وادعوا تا ابقىٰ بعز البرد جايي
مَلي قلوبكن،،،،،،، حب وحرارة
💕💕💕،، بقلمي،، عمّار يزبك،، 💕💕💕
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.