أنا راجع
كلمات........... أيمن البكرى
أنا راجع
وأنا كلي أحزان ومواجع
ودموعي مالية عنيا
أنا راجع وأنا مقهور
من جوايا مكسور
وكرهت كل حاجة حواليا
وفاكرة إني لما مشيت
كنت ندل ولا حتى قسيت
ولا حبك فى لحظة نسيت
وإنك هنت عليا
داه أنا ياما علشانك إنت بكيت
وندمت وقولت ياريت
يرجع بيا الزمان تاني
وأنا أتحدى علشانك
كل الدنيا ديا
بعيد عنك
شفت حزن ومر
والوقت مش بيمر
كل واحد فينا اختار
يكمل طريقه على حسابنا
وأدينا رجعنا تاني ب الإمر
رجعنا بعد ما عدى العمر
نعيد قصة لو انفتحت
مش هناخد منها
غير ألامنا وعذابنا
علشان كل واحد فينا
بقا ليه حياة تانية
وصعب كل داه
يتغير كده في ثانية
ومهما عيونا قالت أنا اشتقت
مبقاش ينفع رجوع دلوقت
لما اختارنا الفراق
كانت فين قلوبنا
مش راجع ألومك ولا أعاتبك
على إل عدى وفات
خلاص دلوقتي إنت وقلبك
مجرد ذكريات
وغصب عني بشتقالك
وبحس إني محتاجلك
وبتصحي في قلبي حاجات
وأرجع أفتكر إن إل بينا خلاص
وأنا مابقتش أنفعلك
وياما قبلنا انتهت حكايات
ومستحيل دلوقتي أرجعلك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.