الكلمة
الكلمة مش حبة حروف
الكلمة فيها ارتباط
حتى ف أصعب ظروف
الكلمة حكمة في موقف
مبيعرفش خوف
الكلمة تقطع رقاب وتنقذ رقاب
من تحت السيوف
الكلمة مش بتتقال وبس
دي ليها معنى ولازم بتتحس
في كلمة تدخل قلبك وتفرحك
وكلمة تانيه ممكن تدبحك
فيه كلمة عظمة وكبرياء
لا فيها غش ولا حتى كدب
ولا أي نوع م الرياء
وكلمة حلوة تقدرك
وتحسسك حب الإنتماء
الكلمة حق وفيها إلتزام
علشان فيها الحلال والحرام
الكلمة مش حبة حروف
الكلمة فيها ارتباط
حتى ف أصعب ظروف
الكلمة حكمة في موقف
مبيعرفش خوف
_____________________
بقلم الفنان الشاعر
احمد شوقي سلام
جمهورية مصر العربية
____________________
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.