بالمقلوب...الشاعر حليم محمود أبو العيلة
بالمقلوب
فـلاش ولقـطة مـن كاميـرا
واخـدا له صـورة بالمـقلـوب
يمشي عدل عدوه يحتار فيه
ويحدفه زي النخيل بالطوب
يندفـن ف قلب أحلامه تبان
سـكتـه بـلاك ولا الـخـروب
كل الشـوارع يلاقـيـها سـد
وتنطفي قناديـل كل الدروب
يعطش ف سكته يشرب مأسي
وضرع القسوة سمين وحلوب
يصاحب صاحب يئسىٰ عليه
وتـبان نيـتـه شيـنة ولـعـوب
واعـده يبـقـىٰ معـاه عنـتـر
ووقـت الـجـد اتقلب شيـبوب
كُل ما يقـطـع حبـل أفـكاره
يلاقي عـقله شغـال ودؤوب
ويصـالح روحـه علىٰ نفسـه
فجأة تشعلل فتن الحـروب
ويُبـدر دنيـتـه مشـاتل حُـب
يطرح ربيعه بساتيـن عيوب
يعلق تقصيـره علىٰ شمـاعة
وحجتـه كُل شيء مـكتـوب
حياته ودنيته ساقيـة قلابة
وبجني شوك من كل القلوب
نوىٰ يغير تفاصيله وصُحابه
ويعيش صابر كما النبي أيوب
نـام وصـحىٰ سعيـد متـفائل
وخطف سعادته من الجيوب
طرحت بسمته حكم ومواعظ
ومبكاش علىٰ الحلم المسكوب
كلماتي
الشاعر حليم محمود أبو العيلة
مصر
تعليقات
إرسال تعليق