نور البيت...أبو عامر خزنا
نور البيت
""""""""""""""
لمّا عمود البيت يبلّش يتّكي
بيهتزّ أركان عرش المملكة
مافي حدا يعوّض مطرحو
صورتو بالصدر للذكرى وللبكي
هوّي السند هوّي الجبل
أفنى حياتو بحمل….. ما بينحمل
يسعى بليل نهار وما هَمل
لو خارت قِواه المنهكِ
ضهرو حدودب عكّازو انحنى
حمل تقيل لجسمو كوى
يخفي مصابو نصابو الضّنى
حامل جعبتو من جذع التهلُكة
شو يكابر ع مرض حلّ فيه
بحسن أخلاق مرتو للدوا بتعطيه
الشقى والتعب فرشتو تؤويه
ودموع العين ترعش بالحكي
هيدا أب وربّ البيت
ما فيك توفيه ما حييت
الدولاب يمرق عالأولاد
بنور وبظلمة حالكي
الضّنى : مرض شديد
🖊️أبوعامرخزنا
٥ / ٤ / ٢٠٢٦
تعليقات
إرسال تعليق