معنى الحب
بقلمي حنان حلمي
ولا ليلة ولا يوم
كنت ادوق فيهم
نوم بعد ما عرفتك
كنت أسهر مع النجوم
علشان اشوف فيهم
صورتك كنت أشتاق
واحن ليك
كان قلبي يدق
ويغني بأسمك
لما كنت أسمع
صوت همسك
كنت أبعتلك عيوني
تسلم عليك
ومن عز نومك
تصحيك وتناديك
كنت أحس أنا مالكة
الدنيا وأنا بكتبلك
صدقني مهما كتبت
مش هقدر أوصفلك
ازاي أحكيلك وأوصف
حبي وغرامي
الحب والهيام مش
محتاج لكلام
الحب أفعال حضن
يضمني ويحتويني
إيد تمسح دمعتي
لو نزلت و تداويني
تفهمني وتحاول
تبقى مكاني ولو لثواني
كتف يسند ضهري
وعمره ما ينخ ولا يمل
عرفت معنى الحب
عندي وإيه مطلبي
الحب أكبر نعمة في الوجود
لو حب حقيقي
تكون بيه في الحياة مسنود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.