تصدق بإيه
تصدق ولا ما تصدقش
ف بعادك
كأني واخدة علقة موت
ومضروبة على ضهري
بمليون سوط
وأحاول أقوم مبقدرشي
وأصرخ بس مش سامعة
لكل صراخي أيُها صوت
وبدارى من العالم
لا تفضحني دموع عيني
وتيجي الدنيا ترازيني
تعذبني..تأنبني
وتقلبني من العالي
لأقصى هبوط
ومع نفسي أشوف صورتك
وأشكي جراحي لملامحك
ترد الصورة على خيبتي
تقولي كفاية بقا طيبتك
أنا القطر إللي دُست عليكي
وهعدي ولازم أفوت
وبرضه أستنى وأتمنى
بخوفي وقلقي وضميري
وشوقي يشِل تفكيري
وشيء جوايا بينادي
وبيطبطب على قلبك
وبيدلع وبيدادي
عشان جواك تكون مبسوط
ولسه براءتي تشفع لك
تقول غلطة وهتعدي
يا نبضة بتحيي بها قلبي
يا روح الروح
ومين يستغنى عن روحه
ولو فيها طلوع الروح
وجودك سر تكويني
فكيف بالله أعيش وحدي
وانا بقربك بقيت مربوط؟
#أمل_أمين_الخولي
#رحالة
#Felicite_World
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.