((وياغزاااة))
تحيا غزة وتحيا ناسها
وشعب موصوف بالصمود
من زمان والظلم حالل
وصمت ناس فاق الحدود
النخوة ماتت ويا الضماير
واتنست كل الوعود
طفلك ياغزة بألف راجل
لا شاغله منصب ولا كراسي
ولا هزه مرة صوت بارود
الطفل فيهم بالعزيمة والحجر
يرعب كتيبة م الجنود
طفل صحيح كل اللي همه
لازم يشيل راية الجدود
النصر قادم هيا رايته
مش حليف لطم الخدود
رغم أنه ساكن الملاجئ والخيم
كل العرب فى محنتة محل الشهود
طفلك ياغزة وسط أمة عمال يعاني
هو الوحيد خذل اليهود
أمة خلاص الهمة باتت
مستسلمة متكبلة بكل القيود
لكن الكلاب والحدادي هتعمل ايه
جوا غابة أسمها غابة الأسود
بس لومي على كل العرب
إزاي تفك حزمتك وتسيبها عود
بقلم
نور الدين محمد (نبيل)
١/٧/٢٠٢٤
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.