لوغاريتمات..الشاعر: حليم محمود أبوالعيلة
لوغاريتمات
امتحان ثانوي يشبه حبيبتي
فيزيا وكيميا ولوغاريتمات
تبـص ف عنيـها كأنها لغز
وحسـاب مثلـثات ولغـات
سحر رموشها هزم جيوش
وتغِيـر منـها بنـات وبنات
مـن جبيـنها يـشـع نـور
كما الكواكب ف المدارات
خدودها فدادين رُمان
وشفايفها بلح أمـهات
وغمازاتها وطابع الحسن
تسكر منهم وتقول هات
أما صوتها دي بنت الأيه
عزف عود وكمان ونايات
عليها خطوة ولا دق الطبل
بندول ومينا وعقارب ساعات
في مشيتها تدلع وتتمايل
دي عود لبلاب شارب شربات
ف ريحتها ريحة الورد البلدي
ورقتـها رقـة فراشـات
ريقها بطعم الفاكهة الصيفي
شهد وعسل نيل وفرات
كلماتي:
الشاعر: حليم محمود أبوالعيلة
مصر
تعليقات
إرسال تعليق