قالــــوا // بقلم أ. أبوعامرخزنا
قالــــوا
""""""""""
حاج تتغزّل بالنسوان
قلتلهم تعطي الحنان
كلّا رقّة وحنيّة
للبيت بتعطي الأركان
بحضورا مضوايي البيت
تلبّي الحاجة عالسكّيت
ما تقلّك يا ريت وليت
ضميرك منها رضيان
أهلا وسهلا بي تمّا
ترباية بيّا وأمّا
الأم بتعطي من دمّا
تربّي بنتا ع الأزمان
هيي البنّا بالحياة
الراجل جنّا للممات
بتعطي ما إلها غايات
نجوى وحُبّا للهيمان
وإن كان فرعا شي عريق
تنام بحضنا وما بتفيق
البوسة من شفافا عالريق
تفتّح بالقلب الشريان
🖊️أبوعامرخزنا
٢٩ / ٥ / ٢٠٢٦
تعليقات
إرسال تعليق