مليون سلام ..حنان حلمي
مليون سلام
خارجين من القلب
بيقولوا كلام
يحكوا عن قلب
خلاص مات
يقول للي باع
سلام ومليون سلام
آه من الدنيا لما تبدل
الحب لكدب وأوهام
وكل ما يطول الغياب
تهدي الجراح وتنام
وبكل جرح نفتكر
غدر وقسوة الأحباب
وتنزرع جواك آمال
يطيب القلب وينعدل
من بعد ما كان مال
يا قلبي متنساش
اللي غدر بيك
وخلاك متسواش
عرفه إنك خلاص خفيت
وتبت عن الحب وابتديت
تفوق لنفسك واهتديت
اللي كان هو هو
واللي اتغير إحنا
يمكن نكون عقلنا
بعد ما حبينا واتجننا
بعد ما قولت سلام
أعلنت دوغري الانسحاب
هقول وأعلنها كمان
سلام واحد مش كفاية
بالعكس ميت مليون سلام
بقلمي حنان حلمي
تعليقات
إرسال تعليق