ما بين كلمة بتوجعنا..ناجح عبد السلام
ما بين كلمة بتوجعنا
وسكة عمر تودعنا
وأيام كانت تجمعنا
خدنا الحنين
حلم البداية راح واتدارى
وسط الخسارة
والضحكة بقت استعارة
لوجع دفين
وشوش تبيع وقت المصالح
وتقول مسامح
لكن ف قلوبنا كلام جارح
ودمع حزين
نمشي ونكتم الآه سنين
وخدانا فين
ونقول يمكن ييجي وقت
نفرح يومين
لو كان نصيبك تبقى قوي
مهما زمانك قسي
خلي الأمل ساكن جواك
لو طال الأنين
اللي عاشر بالوفا
عمره ما خاف
حتى لو خانته الليالي
وباعته السنين
كلماتي ناجح عبد السلام
تعليقات
إرسال تعليق