خلاص كده..حنان حلمي
خلاص كده
هشد الفيشة وأفصل
من أي حد
وعمري كمان ما أدور
على زعل أي حد
اللي يراعيني هراعيه
واللي هيزعلني
مش هفكر فيه
وهرد على قسوتكم
بهي هي القسوة
ولكل واحد غدر بي
وكل واحد زعلني شوية
استنوا مني الرد
في يوم كده هتلاقوني
طلعت لفوق وعليت
واللي زعلوني هيتمنوا
يبوسوا الإيد
واللي بيهرب مني ويجري
بكرة برضه هيجري
ورايا ويحاول يلحقني
علشان ينول رضاي
ولا يطول كام جنيه
يا صاحبي الدنيا دوارة
بتخلي العالي تحت
واللي تحت يبقى في العلالي
بكرة رجلي اللي حفيت
من المشي وتعبت
هتركب مش أقل
من ليموزين أو فراري
وهتقفوا عند فيلتي
تستنوا مني نظرة عين
بوعدكم ومش كلام
الكل هيندم على اللي كان
واللي ضحك عليّ يوم
هيكون من غيري محروم
واللي حاولوا ينسوني
بين عينيهم هيلاقوني
مش هقف عند جرحكم
ولا ههتم بقسوتكم
هعيش وأحقق حلمي
والدنيا هتسمع لحني
بقلمي حنان حلمي
تعليقات
إرسال تعليق