رصيف الهوى...الشاعر: حليم محمود أبوالعيلة
رصيف الهوىٰ
فوق رصيف الهوىٰ حُـب وحنين
فتحت لهم قلبي وكمان شمسيتي
شوفت عُيون كل البنات حلوين
ف غزلت شعري وبدأت أُمسيتي
غزلتك غنـوة كبار الطرب غنوها
ولحن دندنته بمدادي ودوايتي
وشوشت كُل المـحاري والودع
وبُحْت بأسراري وكمان أُمنيتي
سكنتي أيامي وعمري وسنيني
وحُبك بات ف مجرىٰ أوعيتي
وكل فوازير الكون ف تفاصيلك
بفسر فعيونك ألغازي وأُحجيتي
وبلملم ف خيال توهتي وشتاتي
آخر صبري ف متاعي وامتعتي
وطيرتي ف سمايا وحلقتي فوق
ورجعتي سكنتي عقلي وغيتي
وقلبي وضميري اطهر من التلج
وروحـي سـالكة وكمـان نيتـي
من وقتها بقيتي الضي لعيوني
وكمان صبحتي أكسجيـن رئتي
بحبك بكل لُغات العالم بحاله
ي لحن بسمتي وأغنيتي ولغتي
ب اتمنىٰ عيونك والهوىِ وقلبك
يا مُنايا وكل اللي ليا ف دنيتي
بدعي ربي ف كل صلاة بصليها
يستجيب دُعايا يا كُل أدعيتي
كلماتي:
الشاعر: حليم محمود أبوالعيلة
مصر
تعليقات
إرسال تعليق