الخوف جبان...الشاعر: حليم محمود: أبوالعيلة
الخوف جبان
واتمنىٰ اعيـش كم مليـون سنة
وارقُص واغنـي وافرح قُلـوب
حِلمها خايف ينبت ع الحيطان
وقبل الأوان يتوأد الحلم الدؤوب
ينام جعان عطشان يصبح شراقي
حِلم لسه بيتولد تحقيقه مسلوب
الخوف جبان وانصلب قدام بيبان
سَجناه خطاوي مخاصمة الدروب
وبرواز ازاز عاكس الأحلام خطأ
سَلْم براءة النهار لرحايا الغروب
رُوحي بِتداوي جروحي بدموع
قصايد وذكريات أشـواق بِتدوب
وطبطبة فوق الآهات تكوي وجع
وتشفي روح وتفرح قلب مَكروب
وانام بدري احلم الحلم من تاني
وحلمي م الآخر بدأ صبح مَقلوب
يارب بدل أفكار هُمومي للاحسن
دا انا مؤمن والقدر ما منه هروب
واتوب واطلُب مَحبتك ورِضاك
ويقيني إن الدُعا بيبدِل المكتـوب
كلماتي:
الشاعر: حليم محمود: أبوالعيلة
مصر
تعليقات
إرسال تعليق