زجل
(علمونا في المدارس)
علمونا . في المدارس
غير اللي :
إحنا شفناه . خااااالص
علمونا نحب . بعض
ونبوس تراب الأرض
لقينا الوطن. نفسه
محتاج لألف قرض
وبالربا . يحلم بفارس
علمونا . في المدارس
علمونا
الدين . م اللادينية
وحرية / الليبرالية
ولما بطلت. أصلي
أبويا . مسألش فيا
تقول ؟
قاصدين م اللي حادث
علمونا . في المدارس
عشنا . حياة غريبة
قالولنا واضحة وقريبة
مشينا سنين. كتير
شفناها بأبعاد عجيبة
شفناها فض. لمجالس
علمونا . في المدارس
غير اللي :
إحنا شفناه . خاااااالص
كلمات
حربي علي
شاعر السويس
11/6/2019
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.