مش جيت ف يوم وقولتلى
متبعديش غيرك ماليش
صح الكلام ولا انا يمكن كنت
بحلم وشوفته صدفة ف المنام
مش جيت ف يوم وقولت لى
انا بوعدك هفضل معاكى واعدى
بيكى المستحيل لو الف ميل
مش قولت لى انا هبنى ليكى
جوه قلبي بيت كبير يامو الضفاير
شعر وغزل وعنيكى ذى السلسبيل
وقولت لى انا بعترف إنى بحبك والكلمة دى لو تعرفى عمرى ما اقولها لأى حد بس إنتى عندى مش اى حد
إنتى حبيبتى إنتى الدفا وانتى الأمان إنتى اللى ناستينى الجرح بتاع زمان وقولك ايه لو تعرفى احساسى بيكى فاق الكلام عدا الحدود فوق البشر فوق الاحتمال
وسبت قلبي يروح لقلبك طب هعمل ايه دانا قلبي قبلك اول ما قبلك فز اتنطر ذى المطر لما بيروى بخيره بستان انفطر كان زرعه مات وف لحظة جيت صحيت ف قلبي كل الحاجات وفرحت بيك ذى البنات
اما بتفرح لما بيجلها ف العيد سكر نبات وراح اقولك اى بعد اللى كان واللى جرأه بعد اللى بينا من آهات والسهد واليل والسكات مهو كان ساعات بسمع كلامك من غير ما حتى تقولى بم كنت اقرا صوتك واسمع سكوتك لا وايه كنت افهمك من غير كلام شي غريب ولا ف المنام وكمان حقيقى كنت المسك من غير ما حتى تكون معايا وبشوف عينيك وكانى واقفة فى المرايا وبحس بيك لو حتى بينى وبينك كام مليون خطاوى وبجيب ف سيرتك فى كل الغناوى والحكاوى
وفجأة جاى بتقولي باى لا بجد معقوله عايزنى ابقى عندك اى حد ومفيش بحبك مفيش كلام كل اللى بنا من غرام راح ف الهوى بعد ما كنت انت الطبيب وانت الدوا
و هقولك ايه يابو قلب قاسى محبنيش هدعى عليك انا كل يوم ف المغربية روح يا ربى يبليك بحبى وتحس بياه وتسهر ليالى وتصحى من النوم تنداه عليا وساعتها هاجى واقولك انت فاكر لما جيت وقولتلى متبعديش غيرك ماليش
انا كمان بقولها ليك متبعدنيش غيرك ماليش
:
:
٢٠١٩/١٠/١
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.