توب الكبر // الشاعر // طارق السيد
توب الكبر
ياللي عايش بالطول والعرض
ليه برجلك بتدب الأرض
مش هتطول أبدا في جبالها
ولا راح تخرق يوم الأرض
ياللي مصعر للناس خدك
فاكر إن محدش قدك
ليه بتتكبر الله أكبر
إعرف حجمك وإلزم حدك
فتح مخك صحصح فوء
خليك حلو ياإنسي وذوق
ليه بتتمعظم ليه بتتنك
بتكلم ليه الناس من فوق
عامل ليه نفسك فلوط
واخد ليه في نفسك شلوط
هي الناس دي بتنزف مش
وإنت ياحلو مربة توت
إرجع وإقرا كتاب الدين
تلقى إنك مخلوق من طين
أصلك نطفة مهياش صدفة
وحتى النطفة دي ماءها مهين
هو دا أصلك هو دا فصلك
هو دا يابني حقيقة نسلك
إقلع توب الكبر لا تلقى
سابت يوم العرض مفاصلك
بقلم طارق السيد
تعليقات
إرسال تعليق