فين إحساسك
ليه إحساسك بِيَّــا يمــوت
وفى ثانيه نقضيها سكـوت
دا مايرضيش رب الملكوت
إن الحـزن فى عيني يبـان
****★****
قــولــي عملت دا كله وليه
أسهــر واتعب واشقى عليه
واحلـف اننــي ليــه أو بيـه
واطلــع فى الاخــر خسران
****★****
جاي بتقولي خــلاص بطّلت
أحلم بيك متقــولش زعــلت
فين إحساسك زي مـــا كنت
تبنــــــي وبتعلـــــي البنيــان
****★****
من غيــــرك عــايش جــوايا
كل امــا أبنـــــي تهـــد ورايا
لما بتـــزعــل يـــوم ويــايــا
بتطلعنــــي انــا الغلطـــــــان
****★****
جاي بتقولي مـــات إحساسي
ليــه قولتــلي إن انت أساسي
ليه تجرحني وليــــه بتــآسـي
ليــه عـــــايش دور الولــــهان
****★****
لسه بشوف دمعتي فى عنيك
وكنت فى عــز آلامي برضيك
ولا فى وقت ما ببكـــي عليك
كان إحســاسـك بيّـــا يبـــــان
****★****
لســه حبيب للقلب الخـــالـي
لســه بروحــك أيوا الغــــالـي
لأ وماغيبتيش يوم عن بالــي
يبقــى إزاى اشـــوفك تتــهان
****★****
صعب الجرح فى يوم أداويه
كل ما بنسى أفتكــر انا ليــــه
وألقى دمــوعـــي سابقه عنيه
دوء ويايــا طعــــم الحــرمان
****★****
كــان بيقـــولي إزاى استنـــى
نسهـــر ســـوا علشان نتهنـــي
أنـا من حبـــي كنت أتمنــــــى
أفضــــل طـــول الليل سهـران
****★****
ليـــه كل اللـــي حلمته معـــاك
يصبـــح وهـم وبعـــد لـــــؤاك
فتش عن قلبـــك يــا مــــــلاك
لاحسـن قلبـــي صبــح تعبـــان
من ديوان غاب القمر
بقلم / محمود فوده
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.