يَاَ نَاَى إِعزف ( الصورة من أعملى بالألوان المائيه )
=============================
ياناى إعزف وقول لَحني
يَاَريت عَزفَك يِفَرَحنى
وِم اللى انا فيه يِرَيحني
بَقَاَ لِي سنين وَانَاَ وَحدي
فى كَاَس بَاَشرَب مَرَاَر جَرحِي
مع دموعى وألام سُهدي
مُنَاَيَاَ أشوف نهار سعدي
وتتحقق أمال كانت ف يوم عندي
ولَفلِفهَاَ سواد الليل
وغطاها الهُمُوم والويل
وصَاَر القلب ويَاَها أسير وعليل
ياناى إعزف وهَاَت لي دليل
بِصُبح يِجِيني بعد الليل
وفيه أفراح ونوره جميل
واحقق كل أحلامى
وتِمسح شَمسه أَحزَانى
والَاقى الدنيا تِضحك لى ومِن تانى
===================
( محمـد عنانى )
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.