"" عاميه ""
""""""" الست المصريه """""""
يا ست يا مصرية
يا حرة وأبية
مواقفك خلاتني
شايفك
ست مش عاديه
ثقتي في حبك واخلاصك
كبيرة أوي ومش منتهيه
بسافر واسيبك وأنا واثق
إنى سايب ست حره أبيه
قد المسؤلية
تصوني عهدك وتحفظي شرفي
وشرفك وعلطول قد المسؤليه
لما أرجع ليكي تستقبليني
بكل فرح وحب وحنيه
اتحملتي معايا كتير أوي
وكنتي دايما قد المسؤليه
بتحبيني بكل مميزاتي
وعيوبي وكل مافيه
حاطاني على راسك تاج
ولكل طلباتي انتي ملبيه
كل ما بشوفك بفرح أوي
أنا بعشق طلتك البهيه
برا البيت انتي جامده وشخصية
وجوا بيتك منتهي الرومانسية
مهما الدنيا تقسى علينا
أنا معايا المرأه الحديديه
بيكي بتغلب على ظروفي
مهما كانت
وبوجودك هي أكيد معديه
هو ده حالك وحال
كتير من الستات العربية
صدق اللي قال الست رزق
وراحه بال وعيشه هنيه
يا بخت اللي ربنا يرزقه
ست اصيله عربية
ويا ويله اللي حظه يبقى
ست رخمه ونكديه
هيبقى نهاره ليل
وسنينه طويله ومش معديه
الست المصريه عمرك ما تلاقى زيها
لو لفيت الكره الأرضيه
من كتر حبي فيكي
كتبت كلامي عنك باللهجة العاميه
كلام طالع من قلبي
من غير وزن ولا حتى قافيه
كلامي ده طالع من قلبي
مش كلام في أغنيه
كل اللى قلته في حقك
ما يجييش واحد في الميه
ربنا يحفظك ويحميكي
وتبقي حياتنا علطول سعيده وهنيه
وبقول يارب يرزقني منك
بدال العيل ميه
مع احترامي طبعا
.لكل ست عربيه
أنا بحكي عن حياتي
مع الست المصريه
حاولت اوصف جزء
من مميزات الست المصريه
هي دي الست المصريه
بقلمي / محمد عبد الحميد السيد
جمهورية مصر العربية
Abdelhamid Mohamed
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.