حزين والحزن ماليني
من شُغل ولعب الناس
الناس بقا موهوبة
ف الرقص والتهجيص
ساعات قلبي يبكيني
ليوم كان حلو خلاص
راح م العمر ف لحظة
وأداس عليه بمداس
الدنيا بقيت تواسيني
ده أمر عجيب خناس
أزاي تظلمني أمبارح
والنهاردة كلها أحساس
يادنيا الظلم مزاجك
والقبح فيكى ميراث
والناس الراقصة بتوعك
كتروا وبقوا لصوص
وكل لص له اسم
كبير زي التراث
ليبقا أمر واقع
ونظرية عليها يتقاس
يازماني ليه توريني
الدنيا والخلابيص
وتزيد همي وهمومي
أنا كده كده محتاس
يازماني قول للدنيا
العدل فوق نبراس
وكاشف الظلم وناسه
وكاتبه في الكراس
يازماني سيبك مني
وقول ... للمتعاص
أغسل نفسك مرة
وأنضف زي الناس
يازماني بكاني الحاضر
وكتم ع الأنفاس
خلاص الروح بتطلع
ووصلت لشعر الراس
يازماني سيبك مني
أنا كده كده مداس
الدنيا معاندة معايا
علشان مُخي ترباس
حزين والحزن ماليني
الظلم بقا متراس
لا أيد تقدر تشيلة
ولا عنتر زمانة خلاص
الضمير بجد أتحور
وزي الفيروس قناص
.............................................
حزين والحزن ماليني
بقلمي / جمال حلمي ابراهيم
................................................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.