مرحبا بك ياعام
....................
بكل تقدير وأحترام
مرحبا بك ياعام
احنا بنرحب بيك أدينا
ياريت تجينا بخير وسلام
وتمسح الدمع إللى بعنينا
بباقة من الزهور تهدينا
وتشفينا من الألام
يارب الفرحة تلاقينا
ترسم لينا طريق الأحلام
تفرشه انوار وزينة والبهجة تسعد لليالينا
وتخلينا فى حالة وئام
ونلاقى قلوبنا أجمل مدينة
خليا من الهموم والأحزان
صلى عاللى هيشفع فينا
صلى على خير الأنام
محمد بن عبدالله نبينا
نبى الهدى والسلام
نلاقى المحبة والطمئنينة
تنهي حالة الخصام
السنين إللى عدت علينا
هتلاقيها فى حالة ملام
الفرح ح نلاقيه مستنينا
بلهفة شوق عاشق ولهان
ينسينا إللى حصل لينا
من كل سنين الحرمان
الدنيا بالفرحة تطل علينا
وتسقينا من نبع الحنان
الأمان فى حضنها يدفينا
ونبعد عن التوهان والزحام
ونلاقى كل شئ تمام
ونقوله مرحبا بك ياعام
......
بقلم الشاعر
الأمير _محمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.