قطر الصعيد
بقلم ماجدة البهيدي
============
يا قطر الصعيد
يا مجبل من بعيد
كان لي حبايب فيك
جاين يقضه العيد
والله واحشنا ياما
وواحشانا الابتسامة
قرب واجري علينا
وتعال بالسلامة
الموت سبقني وخد
خطف الحبايب شد
الدمع سال على الخد
والدم يملا الايد
قطر الصعيد جاي
من بعيد شايل غلابة
ناس شقيانين وتعبانين
من الدنيا يابا
راجعين وكل وشهم
فرحة وطيابة
وفجأة جه الموت
وخد حلم الغلابة
قطر يفوت والناس تموت
إحنا بشر ولا فران لتجربة
كل يومين نسمع خبر
ونشوف كوارس مرعبة
اه يا بلد جرالك ايه
أحوالك ليه متشقلبة
أه يا وجع قلبي عليكي
جرالك ايه يا طيبة
ليه الإهمال مليكي
ولا حد حاسس بيكي
الله يكون في عونك
بالدم حنه أيديكي
قلبي انفطر يا ناس
على ناس بقيت تنداس
راحوا في شربة مياه
ولا كان لهم اساس
ملعون ابو الفلوس
اللي تقسي النفوس
وعشانها ناكل بعض
ونهمل في النفوس
ياناس فين الضمير
ده اللي بيحصل كتير
والقلب ما عاد يتحمل
وشبعنا من التطبيل
بكفاية ظلم كفاية
ده لكل ظالم نهاية
والدنيا تيجي عليه
وهيدوق نفس الحكاية
2021 /30/3
:
#ماجدة_البهيدى
:
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.