خاتم الاءنبياء والمرسلين// بقلم الشاعر : ايمن البكري
قصيدة
خاتم الأنبياء والمرسلين
بقلم/أيمن البكري
اه لو يعرفوا مين هو الرسول
ياعم دول ناس ماليهم الغرور
وعادي لما يطلع الغلط
من عقول مريضه
يعرفوا إيه عن الفريضه
يعرفوا إيه عن الأخلاق الحميده
دول ناس مالهمش دين
العباده عندهم مفيش يقين
يتقطع لسانك لو تهين
خاتم الأنبياء والمرسلين
المساواه والعدل والرحمه
هي دي كانت الرساله
وإنك تخاف ربنا
وإن شرعنا منع إختلاط الأنساب
وإنك تأخد ب الاسباب
وإن دينا فيه السلامه
وإنك تعمل حساب يوم القيامه
هي دي كانت الرساله
ويجي واحد من الحثاله
يغلط ف مين
ف خاتم الأنبياء والمرسلين
هو إل راح يزور مريض
لما غاب عنو يوم
محطش قدام بيتو الزباله
داه مين زيوا مين
الصادق الأمين...الكريم
مستحيل تلاقي زيوا إستحاله
قال عنوا رب العالمين
إنك لعلي خلق" عظيم
صلوا عليه
خاتم الاءنبياء والمرسلين
جاه ب الرحمه والهدي
وإنك تحمد ربنا
وإن الكنز ف القناعه والرضا
علمنا إن اللقمه بعرقنا
أحسن من الحوجه والمسأله
علمنا يعني إيه
العفو عند المقدره
علمنا يعني إيه عباده
يعني إيه صوم وصلاه
لما نسمع الأدان نلبي الندا
ومن قلوبنا نقول أمين
أنا مهما أقول هو أنا أقدر أوصفوا
هو داه نبينا
خاتم الأنبياء والمرسلين
تعليقات
إرسال تعليق