🌹🌹 وديعيات...
عم تسألي...
عم تسألي! معقول بعد بتسألي
يا ساكنة جوا القلب و مدللة
قلبي أنا خلقان تا يعيش الهوىٰ
و أنتي الهوىٰ الخلقان يا عمري إلي
يا عطر كلماتي و صليبي الحاملو
روحك أنا و قلبك شغلتي عاملو
تا يفرح......... بكلمات حب بغازلو
فيكي النبض غرقان عم يغلي غَلي
فرشت الدرب مرجان تا تمشي علىٰ
دروب الهوىٰ و ما ينزعج مره الغلاااا
بمعبد قداسة حُبك بزيد الصلىٰ
بس بشرط ما بيوم مني تزعلي
نسمة عليلة طاهرة و طلة بدر
فاض السحر من قلبها وريح العطر
حالف أنا ما عاد اسكر بالخمر
بدي العسل من ريقك و لا تبخلي
قلبي أنا خلقان تا يعيش الهوىٰ
أنتي الهوىٰ الخلقان يا عمري إلي
بحبها و ما بحب غيرا بالوجود
و العمر سكرة عاطفة وغمرة زنود
🌹🌹 بقلمي،، عمّار يزبك...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.