شُغل السيما وشغل اللقطة
ماعاد ينفع ياصحبي ساعات .
الأفلام الهابطة بجد كتيرة
والكل عارفها أسطونات .
ياصحبي تعالى كده ف الخالص
وبلاها أنشه وبلاها حوارات .
الكل فاهمك !!! الكل مخضرم
ولففها زيك سبع لفات .
أيامنا بقت كدبه كبيرة
والعيشة بقت كلها صعوبات .
يوماتي فيها حاجات جديدة
بتخلي العقل يشت شُتات .
أذا كان ع الصبر .. الصبر حليفنا
رغم الوجع ورغم التبعات .
لاجديد بنشوفة ولا منال بنوله
كل المواضيع ضحك وقفشات .
الدنيا وخدانا لطريق مسدود
كله حُزن وكله عثرات .
ياصحبي كفاية أفلام السيما
وقرب بنا كده المسافات .
يمكن نلاقي طريقة جديدة
نغير بها كل الشعارات .
الصعب هايفضل صعب ياصحبي
محتاج عقول شغاااله بالذات .
لنخرج من أزمتنا الدايرة
ونعيد من تاني كل ال فات .
مشاكل حبالها طويلة ياصحبي
لا بتخلص يوم ولا لها نهايات .
أيدي في أيدك لنقول للدنيا
كفاية يادنيا بقينا فُتات .
.............................................................................
شُغل السيما وشغل اللقطة
بقلمي/ جمال حلمي ابراهيم عامر
...............................................................................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.