الحياه بتكون جميله
لما يبقي في سماح
لما يبقي فينا خير
لما نجبر الجراح
لما نبقي زي ورده
برغم طالعه في وسط طين
تلاقي منها العطر فاح
الحياه بتكون جميله
لما نساعد ونسعد
لما بأخلاقنا نسمو
وكله يصدق لما يوعد
وكله بيحب يقرب
ومحدش فينا يبعد
الحياه بتكون جميله
لما نرحم يوم صغيرنا
لما نحاوطه بحنان
زي برعم لسه اخضر
مش نفرط فيه لغيرنا
الحياه بتكون جميله
لما يحكو حلو عنك
لما صاحبك يبقي جنبك
ويبقي واخد باله منك
لما يصارحك بعيبك
مش يداري او يذلك
لما يزعل لحظه منك
يجي يواجهك يقولك
الحياه بتكون جميله
لما نبقي طيبين
لما يبقي فينا رحمه
لما نبقي حنينين
لما نساعد ونعطي
من غير مانسئل هو مين
لما نخاصم مانفجر
وفي رجوعنا قريبين
لما نعيشها ببساطها
ونرضي نبقي مرتاحين
لما ندعي بخير لغيرنا
وفي النهايه نقول امين
💕💕💕💕💕💕💕
بقلمى ياسر أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.