فناجين قهوتك
وأغنيتك
الل بتحبا
تركتن ورحلت حافي
تركت ضجة بسمائي
مابتملك من الأشياء إلا اسمها
نسيت حكياتك
صوتك...
كيف بتاخد صور
كيف بتناجي القمر
ماتركت طريق ما مشينا فيه
اخترعته بحلمي...!!
تركت كل شي ع الطاولة
ليكون عندي أمل إنك راجع
مابتحب المناسبات..؟؟
بتخترعها وقت بدك ترحل
مابتترك خبر سيء
بتتكتم عليه..؟؟
وبترحل قبل يوصل
مافيك تقرب لدرجة تكون عادي..
رحلت..
قبل ما يكون وجودك حدث
أدرت ظهرك وماهمك وقتي الطويل يمك...
أخدت معك الإجابات لأسئلتي
ولأنه بعرف مابقى ترجع
يا الغائب الحاضر...
انت الأجمل
تركت بصمتك على باب قلبي
وصورك ...!!
ولم تنج ذاكرتي منها
لا تعتذر
مابتعرف تعتذر
مابينفع...!!!
خليك ذكرى
وخليني ضل أسمع
فيروز ترندح
حبيتك ت نسيت النوم
حنيني إلك مابيشفع
مابيشفع...
Latof Younes
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.