💞💞
خيوط القمر.....
عاشق و طيف الحُب لَ قلبي غَمَر
صفيت قصة بتنحكىٰ،،، بين البشر
مديت إيدي للقمر قَطّف خيوط
تا أرسم الكلمات.. من نور القمر
مديت إيدي لنورك الكلو صفا
منك مدد حتىٰ الكلمة انصفا
إحساس نورك و القلب صاروا دفا
رحلة سفر و استطيبت فيك السفر
بين السفر خطوات عشق ملوَنة/ي
شو طاب فيها الفرح و العيش الهني
خلص الورق ما خلصت حدود السنة
و الحبر فوق دروب عم يقطف صوَّر
مديت خيط النور ع وراقي غَزل
من قلب عاشق و بطرف عينك ثمل
بالقلب باقي و عالورق كمشة أمل
و الحلم ساكن عين دوَّبها السهر
مديت إيدي للقمر قَطّف خيوط
تا أرسم الكلمات.. من نور القمر
💞💞،، بقلمي،، عمّار يزبك...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.