قصيده بعنوان
(كان باقى؟!!!)
كان باقى لي
شهرين
على أجازتى
وهاحمل شنطتى
وهاجيلك
ومعايا قطعة
جلبيه صوف
إنجليزي
يمكن ساده
أو بيها خط
مقلم سمرا
خيطها وإلبسها
فى يوم عيدك
ومعايا فى
قلبى كلام
بالكوم نفسى
أفضفض عن
حالى وأحوالى
ومشاغلى وكلام
عن الدين والدنيا
يفدنى وهايفيدك
وحنان ممزوج
بكام وحشه
وحب جواي
بيريدك
خلاص
فسخت إتفاق
كان بينا
مش قلت
لو أنا مت قبلك
هاتشلنى ولو
مت قبلى
راح
أشيلك ليه
إتعجلت وضحكت
علي وسبتنى
أتذكر تفاصيلك
وحاجات كتير
كانت فيك
طيبتك وحنية
قلبك ياسلام
لو كان فى
حوار بينا
أو قصه
حكيتها عن ماضى
وذكريات لأصحابك
بسلاسه وحكمه
فى تحليلك
كان باقى
شهرين وأنا
ناوي أخدك بالحضن
وأتمسح فيك
وهاشيل من
ألمك وواسيك
وأحط قلبى مطرح
قلبك ياخد من
دمى ويعطيك
وهابوس جبينك
ويا خدودك
وهانزل أبوس لك
رجليك وأتملى
منك يا أبوي
وأبص شويه
لعينيك
يا غالى وهاتفضل
غالي والله
علي لو مالت
دنيتى بعديك
آه من الموت
وألمه كتير
كنت أسمع عنه
وأقول عادى
الموت حق
ومكتوب ولما
وجعنى ومس لي
قلبى عرفت
حقيقته وأشياء
منه بيفرق بين
الأحبه كبير
كان أو صغير
سنه الحمد
لله فى جميع
الأحوال لأن
آخره ولازم
هانزورها ومفيش
هروب
أصلا منه
لو باقى كان
أولا نبينا
أهلا بيه
ويارب يكون
الموعد جنه
العمر سنين
معدوده الموت
كدا كدا
هيجيينا
كان باقى
شهرين
30/9/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.