قصيدة بعنوان راحة البال
بقلم عفاف محمد عبد الصادق
دنيا وعايشنها
انحني ضهرك وكتفك بالحمل مايل
شايل حمول وفاكرك مافيش
غيرك حد شايل
حاسس الدنيا عليك جاية
ومحملهام الهم جمايل
شايفها عليك
ضاقت وحطت
م الظلم جبال
طب روح كدا بشلتك دي سوق الاحمال
وبدل مع غيرك وشوف اي حمل
منهم راح بتشال
جربت غيرت
لاقيت ايه حملك أشد ولا حمل الرجال
كل واحد شال شلته ورضي بيها اصل برضاك تهدأ وترتاح البال
اصلها متقسمة
ومتوزعة
ومحسوبة بالمثقال
دا كل واحد همه شكل وانت شكل من الأشكال
دا همه صحة ودا همه اخوات والتالت همه عيال
واللي همه صاحب واللي همه حبيب وداهمه كبر مع كتر المال
وف الآخر دي طاقتك وقدرتك
والسعادة ف الرضا مش ف قلنا وقال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.