/////////****نساوني بوهالي****/////////
من وسط صحاب دربالة
وانا للي نساوني بوهالي
هذا وذاك سيادي ف حالة
ف حضان الفقرة والوالي
تلقاني ماشي ف كل طريق
حامل قفتي هاز عصاتي
دربالتي بلوانها تليق
ولساني مسمع اهاتي
في هذا القبة وديك فبة
وانا ياحبابي في حالي
وامن زمان ياك ولد الرحبة
ربي ربي دايم ف بالي
اليوم هنا غدة الهيه
هكذا كنصرف كل مكتوب
حالي ربي للي عالم به
نازل صاعد حالي مغلوب
سايح ومرافق اصحابي
ندكر الباقي شهد ف قوالي
امخلي دربي وعز حبابي
هذا حالي ياك بوهالي
مرة ف الشرق مرة ف الغرب
عكازي ونيسي ورفيقي
في المدح والورد ياك نتغلب
ربي يزول سباب حريقي
بقلم صقر الحروف الزجال المحجوب بوسبولة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.