جرح ف قلبي
كلمات/ أيمن البكري
أديها سنين بتسرق
أجمل ناس ف حياتي
مبقاش فيه حاجه تفرق
دلوقتي ف حياتي
دي نار وكل ما بقيدها
علشان تدفيني
ألاقيها فيا أنا بتحرق
وناس حواليا
عشقت تشوف دموع عيني
وكأن داه شئ هيفيدها
كتبولي وأنا عايش شهادة وفاتي
ياجرح في قلبي
مش طايل وشايل هموم ب الكوم
الدنيا كعب أه داير
وأنا إل حظي مش قادر وجوايا مقسوم
وحشني قوي الغالي إل راح مني
وجودوا كان مطمني وكان شايل عني حمول
ياجرح ف قلبي أه عايش
وأنا أعمي ومش شايف
ناس كتيره حواليا
شايفني بضحك بصوت عالي
وب الاءلم إل جوايا مش حاسه
ولمعة الحزن إل ف عنيا مش شايفه
وكسرة نفسي علي نفسي وعلي الغالي
ولو صعبت عليهم يقولولك بس معلهشي
يا أول حب ف حياتي
جرح ف قلبي أهوه منك
سلمتك عمري وحياتي
وعلي نفسي كنت مأمنلك
إتحديت علشانك الدنيا
ودافعت كتير عنك
أهو داه قلبي إل دوستي عليه
سلمتهولك ودبحتيه
إستغنيتي عني بكل سذاجه
شكرا" قوي علي كل حاجه
ومنك لله هقولك إيه
لما بقت الحياه ألوان
إشتقنا قوي لطعم زمان
كانت ضلمه وعتمه وكوخ
بس كان فيها أمان
ما كنش فيه قشره ولا فالصوا
كان كل واحد بيعمل ب أصلوا
كان كلوا دهب مليان
كان فيه حب وإخلاص وضمير
كان فيه ناس بتعمل خير
كنا بنعطف علي المسكين
ونمد إيدينا للمحتاج وبندي للغلبان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.