(جدار الزمن)
بقلمي الشاعر/محمد غبن
شاعر آل غبن
عاميه بلغة محكيه
28/2/2022
تعالوا نشتري من جدار الزمن طله لجل يرضي عننا ويحتوينا
نقوله كفايه ظلم السهر وعدم النوم هم اتفقوا معاك علينا
تعبتنا أوي بعذابك والأحزان عاملها بمزاجك ثابته وياما إشتكينا
لا منها سبتنا بشقانا متحملين لاء مسلط الدنيا تقرف كمان فينا
متعبتش يازمان مننا وقولت لنفسك اسيبهم بقي شويه
ضميرك مقلش الناس دي مساكين وصعبانين عليا
يازمانا الرحمه مطلوبه ونزلت من فوق في آيات قرآنيه
ولا أنت مش معانا و عارف إنها جايه من رب البريه
ليه بتعمل كدا هو
إحنا مش بشر وحقها تعيش
ولا انت شايفنا أيه بالنسبه ليك هفيه أو يمكن نكون دراويش
ياريت بس نفهم ونعرف وبظروفها نعيش او ما نعيش
خاف من دعوة المظلوم لربنا مفيش بينها وبينه حجاب
خايف عليك والله وأنت واقف معانا ساعة الحساب
إرجع شويه لضميرك ومش مهم تكون غالب علشان بيمينك تمسك الكتاب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.