نسيم العتاب (433)
.................
ببعت لك سلام ..
بحروف الغرام
بورودي اللي دابت
من الشوق والهيام
يا روحي اللي غابت
عني من وقت البعاد
طب رد السلام طمني
ده عتابك وداد
يا نسيم الهوى وصل له
إحساس العذاب
وأوصف له في عيوني
أحكي له
بالضي اللي غاب
ياما عدت ليالي بدونه
وأنا خايفه إني أنام
لعيونه تتوه عن بابي
وأسرح في المنام
مشتاقه لهمس عيونه
وحنان الدفا فى قدومه
لا أنا هتقل عليه ولا ألومه وفى حضنه تغازلني عيونه
ونسينا الكلام
وسمعت الهنا في دقاته
وعلى خدي بيشكي ٱهاته بدموع العتاب
ده بأيدي
هقيد له شموعي
وهداري الوجع فى ضلوعي
وهيروي بربيعه خدودي
دبلت من البعاد
ونسينا العتاب على بابنا
ومرار الغياب
والشوق اللي جوا عيونا
قال كل الكلام ..
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.