مدرسه الحياه
عبدالله رجب ابوعدنان
ف مدرسه الحياه
الوجع و ال اه
والصوت بلغ مداه
حلم وحلمت
حب وحبيت
حزنت ياما بكيت
والألم ازاي انساه
اتكعبلت ياما ف وشوش
وصعبه لقمه العيش
وصحاب معظمهم فاشوش
إلا شويه م الغلابه
حقيقي الدنيا غابه
واللحظه بطن وقلابه
والصوره الحلوه لابد فيها رتوش
والموت لازم نستناه
وحبيبه تعشق الهوس
والحب عمله وفلوس
حتى لو بقيت هويس
وقلب صدا م الخلان
واخوه ف بحر التوهان
ايه غير الإنسان
وف الفاضي محبوس
وعلى طول عايش ف مأساه
بيضحك والضحكه عبوس
وتكشيره تموت صاحبها
ودنيا صعب تعاتبها
وأوراق نحاول ترتيبها
ومهره كنت فارسها
خلت سنيني معاناه
مدرسه الحياه.عبدالله رجب ابوعدنان.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.