بكفيني...بقلم الشاعر سمير شيا

 بكفّيني هيك بيت قرميد بيكفّي

مع فرندات ومونس ع كل حفّي

وبدارو بركة مي صافية للشفّي

حيطانو حجر كلّيل وطين بيدفّي

وعبابو مرفعة عليها جرّة بتصفّي

بداخلو موقدة حطب هبها بيغفّي

وطبق قش ملفوف لفّة ورا  لفّي

بالحيط صورة عروس بليلة الزفّي

وعلى الثاني صورة ختيار متوفّي

وحدا صورة صبية سنانها عالشفّي

لابسة كنزة عالصدر ونزول بتكفّي

وع إيدها طفل صغير. بعدو بالملفي

من قصيدة بكفّيني(ة)

الشاعر سمير شيّا