عُملة
صعبة
للبلياتشو!!!!
السؤال بقى عُملة صعبة
والكلام ما بينا غايب
والسلام في الأصل رحمة
هما فين راحوا الحبايب!؟
الحياة إيه غير تجارب
والتجارب مش سعيدة
عشت فيها ب ررح مُحارب
ولا هامش في الجريدة!؟
قُلت يوم ح يكونلي نايب.
جوه مملكتي الجديدة
بعد عُمر من العجايب
كُنت راجع ع الحديدة!!
السُكات ب عيونه دمعة
والعناد سبب المصايب
والعتاب الحلو شمعة
تلقى فيه الصمت دايب!!!!
كُله تارك فيها بصمة.
واختلافنا فيه الحقيقة
كُنا فيها عار و وصمة.
ولا طيبة و روح رقيقة؟
للمشاعر شوق ولهفة
طفلة حلوة جوه لفة
كل حاجة دونها تافهة
إلا تفاصيلنا البريئة!!!!
كُنت فاكر جرحي لحظة
والزمن يداويني تاني
والأماكن مش ملاحظة
إن جرحي كان حناني!!!!
آه يا دنيا يا عجيبة
فيك حاجة معذباني
أكتب بشعوري حبيبة
تهربي مني. في ثواني!!!!!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.