غصة قلب وقلم أ. عثمان الأقرع
غصة قلب
............
بعدو القلب ع فراقك فيه غصة
فيها بتتشردق النبضات
كل ما قريت بكتاب أو قصة
بشوف حروف اسمك شمعات
لهيبا بيحرق و ما بينقصا
إلا شوية هجر تتصير جمرات
تا تكوي فيني وتزيد الألم حصة
وأبقى مع النجمات السهرانات
نطلب شي صدفة أو فرصة
تا تشرح عن حالي الدمعات
وتقلك من الحزن كام رصة
عالصدر متل الجبل مزروعات
عذابي صار إلو عندك رخصة
بيكفي بقى رَجِّعي الضحكات
تا تشيل من قلبي هالغصة
والله لو حتى بعد الممات
راح تبقي عنوان القصة
ويألفوا عنا روايات
بكل الأماسي منكون منصة
تا يحكوا من الشعر أبيات
وكل مين عندو قصة عنا يقصَّى
ويختموا بحروفي السهرات
والشاطر اللي للحقيقة يقنصا
يشرح عن العاشق حالات
والطير رقصة الذبح كيف بيرقصا
لما يكون حبيبو اللي ذابحو بالذات
............
عثمان الأقرع .. سوريا
تعليقات
إرسال تعليق