نفس الطريق وقلم أ. أمل أمين
(نفس الطريق )
رغم إننا
نبان بعاد عن بعضنا
وعمره ما جمعنا مكان
ولا زماني هواه زمانه
ولا أواني نفس الأوان
لكني اقرب منه ليه
حِته مني .. وكأني فيه
نفس البنود نفس الحدود
وهو هواه الوطن
حتى الملامح
منقوشه بالآه والشجن
ونفس الطريق بنمر بيه
بس ولا يوم اتقابلنا
بالتوازي بنمشي فيه
بالورود بنهادي بعض
تشوفنا ماشيين فيه سوا
بس الأرض غير الأرض
أرضه صلبه ..
قاسيه و واعره
وارضي انا ..
طينتها سهلة
خيرها باقي
زي مافي القلب نبض
أرضه عاقله ..
كل شيء بحساب وحكمه
وأرضي أنا
تقول ماحدش فيها باقي
مسامحه وراضيه بأي كلمه ..
هو كده .. حالنا كده
لو هو مايه
بكون هوا
لو كان ضنا
هكون دوا
يبقى مايبقى.. زي بعضه
المهم .. أكون معاه
والأهم ..نكون سوا
#امل امين
#Felicite
٣١ مايو الثلاثاء ٢٠٢٢
تعليقات
إرسال تعليق