البحر و السواحل
---------------
بقلمي - عادل عبد الرازق
--------------------
البحر والسواحل ..
جريح بيجرح جريح
ده يغدر
وده يستبيح
ولا وقفت دوًامة التباريح
البحر والسواحل ..
جريح بيجرح جريح
…
أغراب أغراب
أغراب يا مراكب
بحر ومجهول
وشطوط تتسرسب
وتعودي يا قلوعنا مجاريح
البحر والسواحل ..
جريح بيجرح جريح
…
يالحظة الوداع
ضاع العمر ضاع
ولا حد فينا عارف
مين يا بحر اللي باع
والنورس اتبدًل ليه تماسيح
البحر والسواحل ..
جريح بيجرح جريح
…
على الهامش ..
مرسومة هوامش
هيًا وشوشنا
ولاً طيورنا المهشوشة
قلبك بحري
وسواحلي دي قلبك
وكل ما بيني وبينك تصاريح
البحر والسواحل ..
جريح بيجرح جريح
إبتدينا الرحلة وقت الشمس
وانتهينا
وسط المطر والريح
البحر والسواحل
جريح بيجرح جريح
***
عادل عبد الرازق ،،،
***
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.